“Real”ın “Liverpul”a məğlubiyyəti – Beyl iki günahkar tapıb

“Real Madrid” “Enfild”dən məğlubiyyətlə ayrıldı. Çempionlar Liqasının dördüncü turunda “kral klubu” son iki mövsümdə ikinci dəfə “Liverpul”u məğlub edə bilmədi.

Aut.az xəbər verir ki, “Real”ın keçmiş ulduzu Qaret Beyl bu məğlubiyyətin əsas günahkarlarını müəyyənləşdirib.

“Biz son etapda Mbappe və ya Vinisiusun öz sehrlərini işə salıb nə isə etdiklərini görmədik. Mbappe və Vinisiusun hədəfə zərbələri yoxdur.

Bu zəhlətökəndir. Ola bilsin ki, bu, sadəcə olaraq işləri çətinləşdirir. Bəzən sadəcə topu irəli aparmaq və müdafiəçini sınamaq lazımdır. Onlar meydanda hamıdan daha sürətli idilər. Bu suallara yalnız onlar cavab verə bilər”, – Beyl deyib.

Aut.az