“Kamp Nou”nu türklər təmir edib: Tenderi belə udublar

2023-cü ilin yanvarında Türkiyənin “Limak” şirkəti “Spotify Camp Nou”nun tikintisi üzrə müqaviləni qazanıb.

Aut.az xəbər verir ki, şirkət “Barsa”nın texniki ekspertləri tərəfindən ən aşağı reytinqə sahib olub.

“Limak” ən aşağı texniki balı toplayıb, lakin klub bunu mənasız hesab edib və qaydaları dəyişib.

Layihə ilə tanış olan beş mənbəyə görə, “Limak” tikinti müddətinin digər iddiaçılardan qısa müddətdə başa vuracağını bildirib.

Maraqlıdır ki, “Limak” sonda müqaviləni məhz bu parametrə görə alıb.

Bundan əlavə, Türkiyə şirkəti təqribən 200 milyon avro avans tələb etdiyi halda, rəqibləri cəmi 12 milyon avro tələb edirdi. Stadionun ilk olaraq klubun yubileyində, 30 noyabr 2024-cü ildə açılışı planlaşdırılırdı. Gecikməyə səbəb kimi icazə ilə bağlı problemlər göstərilib.

“Limak”, öz növbəsində, tikinti zamanı dizaynda dəyişiklikləri, eləcə də xarici işlər üçün qısaldılmış qrafiki (əvvəlcə planlaşdırıldığı kimi gecə yarısına qədər deyil, axşam saat 22:00-a qədər) göstərib.

Xatırladaq ki, “Limak Maraş” 2022-ci ildə Rusiyanın Omsk şəhərində “Avanqard” xokkey klubu üçün 12 min tamaşaçı tutumlu yeni arenanın tikintisini başa çatdırmışdı.

Aut.az