Məşhur müğənni Hemiltonla eşq yaşayır? – Hər şeyi açıqladı

Çoxsaylı musiqi mükafatları qazanan britaniyalı müğənni Raye Formula 1 əfsanəsi Lyuis Hemiltonla münasibəti barədə ilk dəfə açıq danışıb.

Aut.az xəbər verir ki, “British Vogue” jurnalının oktyabr sayında 27 yaşlı sənətçi həyatı və yaradıcılığı ilə bağlı təfərrüatları bölüşüb, özü və 40 yaşlı “Ferrari” sürücüsü ilə bağlı şayiələr haqqında sualları cavablandırıb.

Əvvəllər media dəfələrlə onların mümkün romantik hekayəsi haqqında yazırdı. Bununla belə, müğənni aydın cavab verib:

“Oh, yox! Biz… O, mənim həyatımda çox vacib insandır. Həqiqətən də gözəl dostdur. Biz bir-birimizi bir neçə ildir tanıyırıq. O, həmişə mənə dəstək olub, mən də onu dəstəkləyirəm. Mən ona çox önəm verirəm. Məncə, bundan artıq deyəcək bir şey yoxdur”.

Raye uzun illər subay olduğunu və çətin keçmiş təcrübədən sonra yeni münasibətə icazə verməyə hazır olmadığını da etiraf edib:

“Sonuncu ayrılığım dörd-beş il əvvəl olub. Bu, həyatımın ən ağrılı təcrübəsi idi. Bunun öhdəsindən gəlmək üçün bir neçə il lazım oldu. Təhlükəsiz olana qədər özümə bir daha sevməyə icazə verməyəcəyəm”.

Aut.az