DÇ-nin qalibini evə ekonom-siniflə yola saldılar: Ölkədə etiraz başladı

Qadınlar arasında marafon üzrə dünya çempionu adını qazanan Peres Cepçipçir evə ekonom-siniflə uçmağa məcbur olub.

Aut.az xəbər verir ki, bu barədə MSN məlumat yayıb.

Sentyabrın 14-də Peres Tokioda keçirilən Dünya Çempionatında marafonda qızıl qazandı. Daha sonra o, uzun müddət evə – Keniyaya ekonom-sinifdə uçmalı olub. Keneiya Atletika Federasiyası yalnız ekonom-sinif üçün büdcə ayırıb.

Bu məlumat Keniyada narazılıq fırtınasına səbəb olub. Keniya Atletika Federasiyası buna cavab olaraq Yaponiyada medal qazanan digər idmançıların evə biznes-sinifdə uçacaqlarına zəmanət verib.

Tokioda medal qazana bilməyən keniyalı idmançıların vətənə necə qayıdacağı barədə məlumat verilməyib.

Xatırladaq ki, Peres həm də marafon üzrə hazırkı Olimpiya çempionudur.

Aut.az