Rodri o oyundan sonra Yamala verdiyi məsləhətdən danışdı

Rodridən Avropa çempionatının finalından sonra Lamin Yamala verdiyi məsləhətlər barədə bir daha soruşdular.

Aut.az xəbər verir ki, Rodri İspaniya mətbuatına verdiyi açıqlamada belə deyib:

“Kameraların məni tutmasını istəmirdim, hər şeyi ona gizlicə deməyə ümid edirdim. Mən onun üçün məhz bunu arzulayıram: O, böyük istedadını komanda və futbol üçün istifadə edir. Bu, israf edilməməlidir.

Mənim kimi böyük təcrübəsi olan oyunçular bilir ki, biz çox istedadlı oğlanların sonradan futbol radarlarından itməsi hallarına rast gəlmişik.

O, qeyri-adi istedadı və parlaq gələcəyi olan bir oğlandır.

Amma həqiqətən, biz ona ehtiyacı olan hər şeydə kömək etmək üçün buradayıq.

Əminəm ki, Yamalın ətrafında ona düzgün məsləhətlər verən insanlar var. Bir ildən sonra şəxsi hisslərimdən danışarkən qeyd edim ki, Lamin indi xoşbəxtdir və çox gülümsəyir. Mənim üçün bu, ən vacib amildir, yəni Yamal öz futbolunu inkişaf etdirir, – Rodri bildirib.

Aut.az