Oliveyranın məşqçisi Fiziyevdən danışdı: Nokaut gücünə malikdir

Keçmiş UFC çempionu Şarl Oliveyranın məşqçisi Dieqo Lima qarşıdakı döyüşlə bağlı gözləntilərini bölüşüb.

Aut.az xəbər verir ki, Oliveyra oktyabrın 12-də Rio-de-Janeyroda “UFC Fight Night”da Rafael Fiziyevlə qarşılaşacaq.

“Çarlz Topuriya ilə döyüşə yaxşı başladı – onu tora sıxdı, yerə yıxdı və dirsəklə vurdu. Bu, nokaut ola bilərdi, amma Topuriya zərbəyə tab gətirdi. Bundan dərhal sonra İlya əks yumruq vurdu və döyüş başa çatdı. Məncə, Çarlzı tənqid etməyin mənası yoxdur.

Bizi nokaut gücünə malik yaxşı döyüşçü Fiziyevə qarşı döyüş gözləyir. Çoxları Çarlzın nokautdan sonra tezliklə oktaqona qayıtmaq qərarına görə əsəbidir. Lakin o, son dərəcə motivasiyalıdır və əla formada olacaq. Biz bütün lazımi sınaqları etdik, ona görə də azarkeşlər üçün qalan yalnız arenanı doldurmaq və Çarlzı müdafiə etməkdir”.

Aut.az