Almaniya futbolunda kişi hegemonluğu: Hesabat açıqlandı

Almaniya futbolunda lider mövqelərin əksəriyyətini kişilər tutur.

Aut.az xəbər verir ki, “Fußball kann mehr” (“Futbol daha çox şey edə bilər”) qeyri-kommersiya təşkilatı Almaniya peşəkar futbolunun müxtəlifliyi haqqında ikinci hesabatını dərc edib. 2024-cü ildə tərtib edilən ilk hesabat 32 klubun işini əhatə edib. Bu dəfə araşdırma 36 klubu – birinci və ikinci Bundesliqadakı bütün komandaları əhatə edib.

Nəticələr göstərib ki, rəhbər vəzifələrdə hələ də kişilər üstünlük təşkil edir. Rəhbər vəzifələrin yalnız 6 faizini qadınlar tutur ki, bu da peşəkar futbolu bütövlükdə Almaniya iqtisadiyyatından xeyli geridə qoyur.

Hesabatdakı məlumatlar “AllBright” Fondunun araşdırmasına əsaslanır. Klublar dörd kateqoriya üzrə qiymətləndirilib:

top menecment (ən yüksək səlahiyyətli idarəetmə orqanı – məsələn, direktorlar şurası);

bilavasitə yuxarı rəhbərliyə hesabat verən direktorlar və departament rəhbərləri;

nəzarət orqanı (idarəetmədə təyinatlar və dəyişikliklərə cavabdeh olan struktur);

müşahidə şurası (bir çox hallarda onun funksiyalarını nəzarət orqanı həyata keçirir).

36 klubdan 32-nin top menecmentində bir dənə də olsun qadın yoxdur. İstisnalar “Haydenhaym”, “Şalke”, “Verder” ( bu klubların hər birinin top menecmentində bir qadın var) və “Sankt Pauli”dir (top menecmentdə üç qadın) var.

Aut.az