Prezident yenə KDÇ-ni hədəf aldı: Allahım, lütfən…
La Liqanın prezidenti Xavyer Tebas klublararası dünya çempionatını növbəti dəfə tənqid edib.
Aut.az xəbər verir ki, Klublararası Dünya Çempionatının yarımfinal mərhələsinə biletlərin qiymətinin bir neçə gün ərzində 35 dəfə ucuzlaşması xəbərinə reaksiya verib.
“Həqiqətən absurddur. Təqvim dağılıb, yüz minlərlə insanın işlədiyi peşəkar futbol ekosistemi ciddi şəkildə zədələnib.
Televiziya və sponsorluq gəlirləri azdır. Stadionları doldurmaq üçün biletlərin qiymətləri aşağı düşür. Bu arada vergi problemləri həm oyunçuları, həm də klubları narahat edir.
Daha da pisləşə bilərmi? Bununla belə, bunun böyük uğur olduğunu və futbolun gələcəyi olacağı fikrini satmaqda davam edənlər var. Allahım, lütfən, bizi bu məntiqsiz şəxslərdən qoru”, – La Liqa prezidenti “X”də yazıb.
Aut.az
