Neymar koronavirusa yoluxdu

“Santos”un futbolçusu Neymar koronavirusa yoluxub.

Aut.az xəbər verir ki, klub, 33 yaşlı hücumçunun  COVID-19 diaqnozu qoyulduqdan sonra əsas qrupla məşq etmədiyini bildirib.

“Santos”un tibb departamentinin müayinəsindən sonra Neymar COVID-19-a yoluxduğunu təsdiqləyən laboratoriya testlərindən keçib.

Futbolçu simptomlar göstərməyə başlayan cümə axşamı günündən bəri məşq etmir və evdə dincəlməyə, həkiminin təyin etdiyi kimi simptomatik müalicəyə davam edir”,- klubun açıqlamasında deyilir.

Neymar bu il yanvarın sonunda “Santos”a qayıdıb. O vaxtdan bəri bütün yarışlarda 14 oyun keçirib. Futbolçunun müqaviləsi iyunun 30-na kimidir.

Aut.az