Ferstappenlə insident: Hemilton cəzalandırıldı

“Ferrari” komandasının pilotu Lyuis Hemilton Monako Qran Prisində “Red Bull”un pilotu Maks Ferstappenin sıralanma mərhələsində bloklanmasından sonra startda üç mövqe itirəcək.

Aut.az xəbər verir ki, bu barədə FİA məlumat yayıb .

Hadisə Monte Karloda ikinci sıralama seqmenti zamanı baş verib . Hemiltonun yarış mühəndisi sürücüyə arxada gələn Ferstappenin sürətini azaltdığını və sürətli dövrədə olmadığını bildirib.

Bunu eşidən Lyuis sürətini artırıb və artıq yarış xəttinə girməyə hazırlaşıb. Lakin mühəndisin sözləri həqiqətə uyğun deyildi: hollandiyalı sürətli dövrədə idi və sürətini azaltmadı. Xoşbəxtlikdən toqquşma olmayıb, lakin hakimlər hadisəni görüblər.

Yeddiqat dünya çempionu təsnifat mərhələsini keçdikdən dərhal sonra yaxınlaşaraq dördqat çempiondan üzr istəyib. Müsahibədə Maks bildirib ki, Lyuisdən inciməyib, çünki bu, onun günahı deyil. Lakin o, ümid etdiyini bildirib ki, stüardlar yenə də Hemiltonu cəzalandıracaqlar, çünki qaydalar bunu tələb edir.

Aut.az