Daha bir əfsanə karyerasını bitirir

Məşhur xorvatiyalı yarımmüdafiəçi İvan Rakitiç cari mövsümün sonunda futbolçu karyerasını başa vuracaq.

Aut.az xəbər verir ki, bu barədə “Dalmatinski” pPortalı məlumat yayıb.

37 yaşlı veteran ötən yaydan “Hajduk”da çıxış edir. Yarımmüdafiəçi hələ ki, bunu rəsmən açıqlamasa da, artıq qərar verdiyi bildirilir.

Rakitiçin vida matçı Xorvatiya çempionatının mayın 25-i bazar günü baş tutacaq “Sibenik”lə oyun olacaq.

Rakitiç 2011-2024-cü illərdə “Sevilya” və “Barselona”dakı çıxışı ilə tanınır. O, “Bazel”, “Şalke” və “Əl-Şabab”da da çıxış edib.

2007-2019-cu illərdə Xorvatiya millisinin heyətində 106 oyun keçirib, 15 qol vurub və bununla da DÇ-2018-in gümüş medalını qazanıb. 2016-cı ildə “Barselona” ilə Çempionlar Liqasının qalibi olub.

Aut.az