Keçmiş komanda yoldaşından müjdə: Şumaxer tezliklə…

Yeddiqat dünya çempionu Mixael Şumaxerin keçmiş komanda yoldaşı Conni Herbert pozitiv açıqlama verib.

Aut.az xəbər verir ki, Herbert Şumaxerin dünya çempionu Ceki Stüartın təşkil etdiyi xeyriyyə auksionu üçün dəbilqəsini imzalamasında müsbət əlamət görüb.

“Bu, gözəl an idi. Biz uzun illərdir ki, belə bir şey görməmişik və ümid edirəm ki, yaxşı əlamətdir. İnanıram ki, Maykl sağalır. Bu, ailə üçün uzun və qorxulu bir səyahət olub və biz onu tezliklə Formula 1 meydançasında görə bilərik.

Mixael Şumaxerin Formula 1 meydanında görünməsi  ən böyük sürücülərdən biri üçün xüsusi anlardan biri olardı. Bu, təkcə padokdakı hər kəs üçün deyil, dünyanın hər yerindən bütün azarkeşlər üçün çox xoş olardı. Onun düşdüyü ağır vəziyyəti nəzərə alsaq, bu, heyrətamiz olardı. Ümid edirəm ki, biz bu müsbət xəbərləri daha çox eşitməyə davam edəcəyik”, – “Motorsport” Conni Herbertdən sitat gətirib.

Aut.az