“Real” Trenti alsa, onun üzərindən xətt çəkəcək

“Real” Lukas Vaskeslə müqaviləni yeniləməyə bilər.

Aut.az xəbər verir ki, “Relevo”nun məlumatına görə, klubun 33 yaşlı ispaniyalı ilə 2025-ci ilin yayına kimi nəzərdə tutulan müqavilənin mümkün uzadılması ilə bağlı ciddi şübhələri var.

Madrid klubu “Liverpul”dan Trent Alexander-Arnoldu pulsuz transfer etməyə hazırlaşır. Daniel Karvaxal da yayda dizindən aldığı ciddi zədədən sağalacaq. Bu, Vaskesi müdafiənin sağ cinahında yalnız üçüncü seçim edir.

“Real”ın paltardəyişmə otağında Vaskesin vacib, əsas fiqurlardan biri olduğu qeyd olunur. Bununla belə, Florentino Peresin qaydasına görə, 30 yaşdan yuxarı oyunçular üçün müqavilənin uzadılması bir ildən çox olmamalıdır. Klub mənbələri Vaskesin yeni müqavilə bağlamaqda çətinlik çəkəcəyini bildirib. May ayında məsələyə qərar veriləcək.

Xatırladaq ki, Vaskes 2014/15 mövsümündə “Los Blancos”un əsas oyunçusu olub. O, klubla 4 La Liqa və 5 Çempionlar Liqası olmaqla 21 kubok qazanıb.

Bu mövsüm Lukas İspaniya çempionatında 23 oyun keçirib, 1 qol vurub və 4 məhsuldar ötürmə edib.

Aut.az