“Çelsi” ABŞ millisinin üzvünü rekord məbləğə aldı – FOTO

“Çelsi” qadın futbolu tarixində rekord qıran transferi tamamlayıb.

Aut.az xəbər verir ki, İngiltərə klubu “San Dieqo” və ABŞ millisinin müdafiəçisi ilə güclənib. “Çelsi” Naomi Qirmanın transferi üçün 890 min funt-sterlinq (1,1 milyon dollar) ödəyəcək.

Qirma 2022-ci ildən “San Dieqo”da çıxış edir və 68 oyun keçirib. Komanda ilə birlikdə o, MLS müntəzəm mövsümünü (2023), həmçinin MLS Kubokunu (2024) qazanıb.

ABŞ-ın qadınlardan ibarət milli komandasının üzvü kimi Naomi Qirma 44 oyun keçirib və iki qol vurub. Komandanın tərkibində o, 2024-cü il Olimpiadasında və KONKAKAF Kubokunda “qızıl” qazanıb.

24 yaşlı futbolçunun transferi qadın futbolu tarixinə rekordla düşüb. Əvvəlki nailiyyət Reycel Kundanaciyə məxsus idi. Futbolçu 860 min dollara Amerika “Bey”indən “Real”a keçib.

Aut.az