“Liverpul”un ulduzu Salah haqda: Nə deyəcəyimi bilmirəm

“Liverpul”un və Niderland millisinin hücumçusu Kodi Qakpo komanda yoldaşı Məhəmməd Salahın cari mövsümdəki çıxışını şərh edib.

Aut.az xəbər verir ki, klubun rəsmi saytı Qakpodan sitat gətirib.

“Mən nə deyəcəyimi bilmirəm! Bu, hamımızın şahidi olduğumuz xüsusi bir şeydir. Onun vurduğu qolların sayı və verdiyi ötürmələr, oyun tərzi – bunların hamısı yüksək səviyyədən xəbər verir.

Ümid edirəm ki, həm bizim, həm də onun üçün uzun müddət belə davam edə bilər. Ona sahib olduğumuz üçün çox şanslıyıq və onun komanda yoldaşları olmaqdan qürur duyuruq və onu daha da yaxşılaşdırmağa çalışırıq. O, həm də bizi daha da yaxşılaşdırmağa çalışır”, – deyə Qakpo bildirib.

Bu mövsüm Məhəmməd Salah klub üçün bütün yarışlarda 24 oyun keçirib, 18 qol vurub və 15 məhsuldar ötürmə edib.

Aut.az