Mudrik poliqrafiya testi verdi: Sübut etmək istəyir ki…

Dopinq testi müsbət çıxan “Çelsi”nin vingeri Mixail Mudrik poliqrafiya testindən keçib.

Aut.az xəbər verir ki, bu barədə “TaToTake” teleqram kanalı məlumat yayıb.

Mənbənin məlumatına görə, ukraynalı futbolçu bu proseduru Londonda keçirib. Mudrik, “qadağan olunmuş maddənin bədəninə daxil olmasında qətiyyən iştirak etmədiyini və bilə-bilə hər hansı formada mildronat qəbul etmədiyini” sübut etmək istəyir.

Vurğulanır ki, poliqrafiya Mudrikin iddiasında çox güman ki, dürüst olduğunu göstərəcək.

Oktyabrın sonunda futbolçudan müsbət nəticə göstərən dopinq testi götürülüb. Yaxın günlərdə “B” nümunəsinin açılması gözlənilir.

Aut.az