Oğlunu da götürüb Romaya uçdu – Öyrənmək istəyir ki…

Sentyabrın 16-da bazar ertəsi günortadan sonra “Roma” klubunun sahibi Dan Fridkinin şəxsi təyyarəsi Romaya enib.

Aut.az xəbər verir ki, bu barədə İtaliya mətbuatı məlumat yayıb. Böyük Friedkinlə birilikdə onun klubda vitse-prezident olan oğlu Rayan da Romaya uçub.

Bildirilir ki, onların hər ikisi hava limanından birbaşa klubun rəhbərliyi və texniki heyətinin yerləşdiyi Triqoriyaya gedib. Amerikalı sahiblər mövsümün əvvəlindən bəri klubda nəyin işləmədiyini başa düşmək istəyirlər, çünki “Roma” ilk dörd turda cəmi 3 xal toplayıb.

Mənbə iddia edir ki, “qurdlar”ın baş məşqçisi Daniele De Rossinin mövqeyi təhlükə altında deyil. O, sahiblər tərəfindən yüksək hörmətlə qarşılanır və layihənin 12 yeni oyunçunun imzalandığı yay transferindən sonra yenicə başladığını nəzərə alsaq, onun üçün heç bir ultimatum yoxdur. İddialara görə,

Dan və Rayan Fridkin A Seriyasında sentyabrın 22-də keçiriləcək “Roma” – “Udineze” matçında iştirak edəcək. Bundan əvvəl, onlar paltardəyişmə otağında əhval-ruhiyyənin necə olduğunu başa düşmək istəyirlər və həmçinin rəhbərliklə danışaraq bəzi məsələləri araşdırmaq niyyətindədirlər.

Xatırladaq ki, “Roma” İtaliya çempionatında turnir cədvəlində 16-cı yerdədir.

Aut.az