Dramatik sonluq: Səudiyyə Ərəbistanında Tramp qazandı

İngiltərəli snookerçi Cudd Tramp finalda uelsli Mark Uilyamsı 10:9 hesabı ilə məğlub edərək, “Saudi Arabia Snooker Masters” turnirinin ilk qalibi olub.

Aut.az xəbər verir ki, azarkeşlər son illərin ən dramatik finallarından birini izləyiblər. Ər-Riyaddakı “Green Hall”da keçirilən turnirin əsas mükafat 500 min, ikinci yer isə 200 min funt-sterlinq olub. 300.000 funt-sterlinqlik bu fərq, snooker tarixinin ən gəlirli çərçivəsini qərarlaşdırdı.

Bu zəfərlə Tramp karyerasının 29-cu titulunu qazanaraq tarix yazdı. O, 28 kuboku olan Stiv Devisi geridə qoyub. Yalnız Con Higgins (31), Stiven Hendri (36) və Ronnie O’Sullivan (41) ondan daha çox titul qazanıblar.

Aut.az