“Red Bull” təsdiqlədi: O, mövsümün sonunda gedir

“Red Bull” komandasının idman direktoru Conatan Uitli 2024-cü il mövsümünün sonunda vəzifəsini tərk edəcək.

Aut.az xəbər verir ki, bu barədə “Red Bull”un rəhbəri Kristian Horner məlumat verib.

Mütəxəssis 2026-cı ildə Formula 1-də debüt edəcək “Audi” komandasının rəhbəri olacaq.

“18 ildən artıqdır ki, Conatanla uzun və uğurlu münasibət olub. Onun əvvəlcə komanda meneceri, sonra isə idman direktoru kimi altı komanda tituluna və yeddi fərdi çempionluğa verdiyi töhfə komandamızın tarixində əbədi olaraq mühüm mərhələ olaraq qalacaq. Conatan 2024-cü il mövsümünün sonuna qədər öz postunda qalacaq, çünki komanda hər iki titulunu uğurla müdafiə etməyə çalışır”, – Horner deyib.

Aut.az