Mərakeş yığmasının hücumçusu “Fənərbağça”da – RƏSMİ
Mərakeş millisinin 27 yaşlı hücumçusu Yussef En-Nəsiri “Fənərbağça”nın futbolçusu olub.
Aut.az xəbər verir ki, Yussef əvvəllər “Sevilya”da çıxış edib.
Türkiyə komandası futbolçu ilə 5 illik müqavilə imzalayıb. Daha əvvəl bildirilmişdi ki, “Fənərbaxça” onun üçün 20 milyon avro xərcləyib.
Futbolçu 2020-ci ildən “Sevilya”da çıxış edirdi. Hücumçu ötən mövsüm ispanların heyətində bütün turnirlərdə 41 oyun keçirib, 20 qol vurub və 3 məhsuldar ötürmə edib. Nüfuzlu Transfermarkt internet portalına görə futbolçunun təxmini dəyəri 20 milyon avrodur.
Aut.az
