Əfsanəyə 162 milyonluq təklif

“Los-Anceles Leykers” basketbolçusu LeBron Ceyms ilə yeni müqavilə imzalaya bilər.

Aut.az xəbər verir ki, bu barədə “Mundo Deportivo” məlumat yayıb.

Los-Anceles klubunun rəhbərliyi Ceymsi sıralarında saxlamaq üçün böyük səy göstərir. Qeyd olunur ki, klub amerikalıya 162 milyon dollarlıq 3 illik müqavilə təklif etməyə hazırdır. Razılıq verəcəyi halda, əfsanə 42 yaşına qədər oynamağa məcbur olacaq. Hazırda forvardın 39 yaşı var.

LeBronun “Leykers” ilə hazırkı müqaviləsi iyunun 29-da başa çatır. O, hələ ki, gələcəyi ilə bağlı qəti cavab verməyib.

Klub basketbolçunun oğlu ilə eyni matçda oynamaq arzusunu həyata keçirmək üçün Bronni Ceyms ilə də müqavilə imzalamağa hazırdır.

Aut.az