“Real” 15-ci dəfə Çempionlar Liqasının qalibi oldu

Bu gün UEFA Çempionlar Liqasında 2023/24-cü illər mövsümünün qalibi bəlli olub.

Aut.az xəbər verir ki, final matçında İspaniyanın “Real” və Almaniyanın “Borussiya” (Dortmund) klubları üz-üzə gəlib. İngiltərənin paytaxtı Londondakı “Uembli” stadionunda keçirilən matç Madrid klubunun 2:0 hesablı qələbəsi ilə yekunlaşıb. “Los Blankos”a qələbə gətirən qolları Dani Karvaxal və Vinisius Junior vurub.

Qeyd edək ki, “Real” bu turnirin ən titullu klubudur. Madridlilər ümumilikdə 15 dəfə ÇL-in kubokunu başları üzərinə qaldırıblar. Dortmund klubu isə yalnız bir dəfə – 1996-1997 mövsümündə yarışın qalibi olmuşdu.

UEFA Çempionlar Liqası, Final

Borussiya Dortmund  – Real 0:2

Qollar: Dani Karvahal, 74; Vinisius Junior, 83.

Aut.az