Məşhur klub borc içində boğulur: Dağıla bilər

Ukraynanın köklü klublarından olan “Metallist” Birinci Liqanın cari mövsümündə hələ də autsayderdir.

Aut.az xəbər verir ki, komanda bu mövsüm cəmi bir qələbə qazanıb, lakin meydandakı uğursuzluq klubun problemləri ilə bağlıdır.

Jurnalist Vladimir Zverovun sözlərinə görə, klub büdcənin təxminən 35%-nə başa gələn CAS, FİFA və digər orqanlarda keçirilən məhkəmə iclaslarına görə maliyyə çətinlikləri yaşayır. Əvvəllər Sergey Kurçenko tərəfindən transfer edilmiş əcnəbi oyunçular və ukraynalılarla məhkəmə çəkişmələri gedir.

Bu müddət ərzində futbolçular məhkəmələrdə iddialarını udublar və hazırkı “Metallist”dən ödəniş tələb edirlər.

Klub çoxlu hüquqşünasları işə götürüb və ofis işlərinə külli miqdarda pul xərcləyir ki, bu da komandanın inkişafına imkan vermir. Xarkovlular İdman Arbitraj Məhkəməsində sübut etmək niyyətindədirlər ki, bu “Metallist” köhnə “Metallist”in hüquqi varisi deyil.

Üstəlik, Rusiyanın işğalından sonra FİFA-nın 7-ci maddəsinə uyğun olaraq ölkəni tərk edən əcnəbi futbolçularla məşğul olmaq lazımdır. Onların Ukraynaya qayıtma şansı yoxdur, lakin bu transferlər üçün pul ödənilməlidir.

Rəhbərlik “qoca” “Metallist”in işlərinə görə borclarını ödəməyə məcbur olsa, o zaman klubun mövcudluğunu davam etdirmək çətin olacaq.

Aut.az