Ona görə iki nəhəngin mübarizəsi başladı

“Bayer”in Xabi Alonsonun rəhbərliyi altında qazandığı uğurlar top-klubların diqqətini cəlb edib.

Aut.az xəbər verir ki, “Mundo Deportivo”nun məlumatına görə, “Bavariya” və “Real” baş məşqçini özünə cəlb etməyi planlaşdırır.

Karlo Ançelotti Madrid klubunu tərk edərək Braziliya millisinin başına keçəcək. Tomas Tuxelin rəhbərliyi altında “Bavariya”nın nəticələri ürəkaçan deyil.

Maraqlıdır ki, Xabi Alonso futbolçu olarkən həm “Real”, həm də “Bavariya”da oynayıb. Onun hansı klubu seçəcəyi maraq doğurur.

Aut.az