Qana millisinin üzvü rəsmən “Qəbələ”də

“Qəbələ” daha bir futbolçunu heyətinə qatıb

Aut.az xəbər verir ki, “qırmızı-qaralar” Samuel Tettehi heyətinə qatıb. Onunla 2 mövsümlük müqavilə imzalanıb. 27 yaşlı qanalı hücumçunun son klubu “Adanaspor” olub.

2021-ci ildən Türkiyə təmsilçisində forma geyinən forvard icarə əsasında “Bandırmaspor”da (2023) da çıxış edib. Tetteh karyerası ərzində Qanada VAFA (2014-2016), Avstriyada “Lieferinq” (2016-2017), “Red Bull” (2017-2021), LASK (2018-2020, icarə), “Sankt-Polten” (2021, icarə), ABŞ-da “Nyu-York Red Bull” (2020, icarə) klublarının şərəfini qoruyub.

Qananın U-20 yığmasında da oynamış hücumçu 2015-ci ildən ölkəsinin əsas millisində debüt edib. O, bu komandada 8 matçda 1 qol vurub.