“Araz-Naxçıvan”ın məşqçisinə 7 oyunluq cəza
AFFA İntizam Komitəsinin iclası keçirilib.
Aut.az xəbər verir ki, toplantıda Əvəzedicilər Liqasının IV turunun oyunları ilə bağlı aşağıdakı qərarlar qəbul edilib:
“Araz-Naxçıvan-2” – “Sumqayıt-2” oyununda “Araz-Naxçıvan-2” komandasının 5 futbolçusu sarı vərəqə ilə cəzalandığına görə “Araz-Naxçıvan-2” komandası 70 manat cərimə edilir (maddə 37);
“Araz-Naxçıvan-2” – “Sumqayıt-2” oyununda “Araz-Naxçıvan-2” komandasının baş məşqçisi Zaur İsmayılov hakimin qərarına etiraz etdiyinə görə birbaşa qırmızı vərəqə aldığı üçün 2 oyun cəzalanır, “Araz-Naxçıvan-2” komandası 150 manat cərimə edilir (maddə 42.3);
“Araz-Naxçıvan-2” – “Sumqayıt-2” oyunu bitdikdən sonra “Araz-Naxçıvan-2” komandasının futbolçusu Nihad Qurbanlı hakimin qərarına etiraz etdiyinə görə birbaşa qırmızı vərəqə aldığı üçün 2 oyun cəzalanır, “Araz-Naxçıvan-2” komandası 80 manat cərimə edilir (maddə 42.1);
“Araz-Naxçıvan-2” – “Sumqayıt-2” oyununun 90+5-ci dəqiqəsində “Araz-Naxçıvan-2” komandasının köməkçi məşqçisi Alim Qurbanov meydançaya girərək hakimin qərarına etiraz etməsinə görə birbaşa qırmızı vərəqə aldıqdan sonra hakimi təhqir etdiyinə görə 7 oyun cəzalanır, “Araz-Naxçıvan-2” komandası 600 manat cərimə edilir (maddə 40.11);
“Araz-Naxçıvan-2” – “Sumqayıt-2” oyunundan əvvəl Təcili Tibbi Yardım avtomobili stadiona təyin olunduğu vaxtdan gec gəldiyinə görə “Araz-Naxçıvan-2” komandası 100 manat cərimə edilir (maddə 72.4);
“Zirə-2” – “Sabah-2” oyununda “Sabah-2” komandasının futbolçusu Nicat Quliyev ciddi qayda pozuntusuna görə birbaşa qırmızı vərəqə aldığı üçün 2 oyun cəzalanır, “Sabah-2” komandası 150 manat cərimə ediıir (maddə 39.1);
“Neftçi-2” – “Qəbələ-2” oyununda “Qəbələ-2” komandasının futbolçusu Xəyal Xudaverdiyev təcavüzkar davranışa görə birbaşa qırmızı vərəqə aldığı üçün 2 oyun cəzalanır, “Qəbələ-2” komandası 150 manat cərimə edilir (maddə 40.1);
“Qarabağ-2” – “Kəpəz-2” oyununda “Kəpəz-2” komandasının 5 futbolçusu sarı vərəqə ilə cəzalandığına görə “Kəpəz-2” komandası 70 manat cərimə edilir (maddə 37);
“Qarabağ-2” – “Kəpəz-2” oyununda “Qarabağ-2” komandasının baş məşqçisi Cavad Mirzəbəyli texniki zona qaydalarını pozaraq hakimin qərarına etiraz etdiyinə görə birbaşa qırmızı vərəqə aldığı üçün 2 oyun cəzalanır, “Qarabağ-2” komandası 150 manat cərimə edilir (maddə 42.3).
