Yaponiyalı futbolçu ABŞ klubunda

“Şalke”nin sabiq müdafiəçisi Maya Yoşida karyerasını ABŞ-da davam etdirəcək.

Aut.az xəbər verir ki, “Los Anceles Qalaksi” 34 yaşlı yaponiyalını transfer edib.

Yoşida karyerası ərzində İtaliyanın “Sampdoriya”, İngiltərənin “Sauthempton” kimi klublarında da çıxış edib.

Futbolçu 2010-2022-ci illərdə Yaponiya milli komandasının da formasını geyinib. O, DÇ-2022-də “samuraylar”ın heyətində kapitanlıq sarğısını daşıyıb.

Xatırladaq ki, Lionel Messi və Serxio Buskets də karyeralarını ABŞ-da davam etdirirlər.