Poqba İslam prinsipinə əsaslanan vəqf yaradır

Poqba İngiltərədə İslamın vəqf prinsipinə əsaslanan xeyriyyə fondu açır.

Aut.az xəbər verir ki, “Yuventus”un fransalı futbolçusu Pol Poqba İngiltərədə yoxsullar üçün xeyriyyə fondu açmaq qərarına gəlib. “Wahed” rəqəmsal investisiya platformasının dəstəyi ilə yaradılan fond islami “Vaqf” prinsipi əsasında fəaliyyət göstərəcək.

Vəqfin Böyük Britaniyada olmasına baxmayaraq, Poqba bütün dünyada əhatə dairəsini daha da genişləndirməyə ümid edir. Təşkilatın məqsədləri təhsil və yoxsulluqla mübarizədir.

“Ailəmi xatırlayıram və dörd-beş yaşım olanda tez-tez xeyriyyə təşkilatına gedirdim. Süd, qənd və başqa şeylər verirdilər, anam da ora gedib növbəyə dayanırdı. Anam atamdan boşandıqdan sonra üç uşaq böyüdüb.

İndi pulun və həyatın dəyərini anlayıram. Mən qalib gəlməyin nə demək olduğunu bilirəm

Mən kömək etmək istəyirəm, çünki bəzi insanlar üçün bu çox vacib ola bilər. Bu, bizim üçün heç bir şey olmasa da, onlar üçün çox şey ifadə edə bilər. Bir yerdən başlamaq lazımdır”, – Poqba deyib.

Biz sadəcə bacardığımız qədər kömək etməyə çalışırıq və ümid edirik ki, hamıya kömək edə bilsək, yoxsulluğu aradan qaldıracağıq”, – futbolçu əlavə edib.