Sadıqova qarşı təxribatı kim törədib?

“Ximki”nin  sərmayəçisi, azərbaycanlı biznesmen Tufan Sadıqov komandanın baş məşqçisi Spartak Qoqniyevin futbolçularla emosional söhbətin səs yazısının yayılmasını  kluba qarşı təxribat adlandırıb.

“Doğrudanmı Onunla Tixi  və Quliyev arasında konflikt olub? Klubun rəhbərliyi var. Mən bu səs yazısına qulaq asmamışam – bunu kim internetə sızdırıbsa, şərh versin. Məşqçi ilə futbolçular arasında hansı münaqişə ola bilər? Fikrimcə, məşqçi ilə futbolçu arasında konflikt ola bilməz, çünki lider və tabeçiliyində olan var. Subordinasiya olmalıdır. Əgər kimsə kiminləsə yüksək səslə danışırsa, bu o demək deyil ki, onların arasında münaqişə var.

Qeyri-etik sözlər? Hamı belə sözlərdən istifadə edir. Amma bu, baş verənləri televiziyada danışmaq, qəzetdə yazmaq üçün əsas deyil. Belə şeylər komandanın daxilində qalmalıdır.

Səs yazısı klub üzvü tərəfindən qeydə alınıb? Fikrimcə, bu, gizli şəkildə və icazəsiz edildiyi təqdirdə qanunsuzdur. Düşünürəm ki, klub rəhbərliyi səlahiyyətli orqanlarla araşdırma aparıb, bu səs yazısının niyə və nə üçün edildiyini öyrənəcək. Çünki bu, qurumun informasiya təhlükəsizliyinə aiddir.

İçəridə olan hər hansı məlumat klubun mülkiyyəti sayılır, onun razılığı olmadan yayılması qanunsuzdur. Hüquqşünaslar bu barədə daha məlumatlı olacaqlar. Yəqin ki, kimsə klub ətrafında kloun yaratmaq niyyətindədir. Amma rəhbərlik və investor yox.

Bundan kim faydalana bilər? Hesab edirəm ki, bu, kluba qarşı təxribatdır. Mühafizə işçiləri bunu yaxın vaxtlarda həll edəcəklər”, – “Sport-Ekspress” Sadıqovdan sitat gətirir.

Aut.az