Bu liqada su fasiləsi oyunçuları qəzəbləndirdi: Ölkədə qışdır – FOTO

Argentinada DÇ-də sınaqdan keçirilən su fasilələrini  yerli liqalarda tətbiq etmək qərarına gəliblər.

Aydındır ki, DÇ-də olduğu kimi, oyunçuların sağlamlığı ilə bağlı heç bir narahatlıq yoxdur: bu, sırf kommersiya xarakterlidir.

Aut.az xəbər verir ki, lakin yerli futbol qurumları bir vacib detalı unudublar: hazırda Argentinada qışdır və gündüz temperatur normaldır.

Məsələn, “Atletiko Tukuman” və “İndependyente” arasında keçirilən matçda hava təxminən 23 dərəcə Selsi, rütubət isə 78% idi.

Oyunun 28-ci dəqiqəsində hakim su fasiləsi üçün fit çalanda, futbolçular qəzəbləniblər. Üstəlik, hakim bunu bir komandanın hücumu zamanı edib. Oyunçular hakimi mühasirəyə alaraq narazılıqlarını bildirsələr də, sonda qərarla razılaşmalı olublar.

Aut.az