Sloveniyalı IBU prezidentliyinə yeganə namizəddir

Sloveniyalı Tim Farçnik Beynəlxalq Biatlon İttifaqının prezidenti vəzifəsinə yeganə namizəddir.

Aut.az xəbər verir ki, bu barədə Beynəlxalq Biatlon İttifaqının (IBU) mətbuat xidməti məlumat yayıb.

İttifaqın hazırkı rəhbəri, isveçli Olle Dahlin 2018-ci ildən bəri tutduğu vəzifəni tərk edəcək.

Seçkilər 17-20 sentyabr 2026-cı il tarixlərində Almaniyanın Berxtesqaden şəhərində keçiriləcək IBU Konqresində baş tutacaq.

Farçnik sloveniyalı idman rəsmisi və IBU İcraiyyə Komitəsinin üzvüdür.

İsveçli Sofiya Domej IBU vitse-prezidenti vəzifəsinə namizədliyini irəli sürüb.

Aut.az