“Qızıl top”u bu iki futbolçudan biri qazanmalıdır – Markeviç kimləri deyir?

Məşhur ukraynalı məşqçi Miron Markeviç 2026-cı il Dünya Kubokundan sonra “Qızıl top”a əsas namizədlər barədə fikirlərini bölüşüb.

Aut.az xəbər verir ki, onun sözlərini “Qlivinski Pro Sport” yayıb.

Təcrübəli mütəxəssis favorit kimi Dünya Kubokunun finalında oynayan komandaların hər iki kapitanını seçib:

“Messi öz performansı və liderliyi ilə komandanı finala çıxardı. Əlbəttə ki, onsuz Argentina çətin anlar yaşayardı. Düşünürəm ki, o, “Qızıl top”u qazanmalıdır, bu şübhəsizdir.

Mənim başqa bir namizədim də var – Rodri. O, oyun qurucusu, top qazanan, meydanda lider idi. Məncə, o, yəqin ki, “Qızıl top”a namizəd olan ikinci belə namizəddir. Bu iki oyunçu mükafata layiqdir”, – Markeviç deyib.

Qeyd etmək lazımdır ki, Rodri 2026-cı il Dünya Kubokunun ən yaxşı oyunçusu seçilib. O, İspaniyanın turnirdəki səkkiz oyununun hamısında oynasa da, qol vura bilməyib.

39 yaşlı Messi Dünya Kubokunda eyni sayda oyunda iştirak edib, səkkiz qol vurub və dörd məhsuldar ötürmə edib.

Aut.az