Bu da DÇ-2026-nın simvolik komandası – “Opta”nın versiyası

Analitik sayt olan “Opta Sports” 2026-cı il Dünya Kubokunun simvolik komandasını açıqlayıb

Aut.az xəbər verir ki, heyət əsas oyunçuların statistikasını nəzərə alan orta reytinq olan “Opta İndeksi” əsasında müəyyən edilib. Məsələn, Fransanın cinah oyunçusu Maykl Olise və Kabo-Verdenin qapıçısı Vozinya komandaya daxil edilməyiblər, çünki onların indeks balları digər namizədlərin göstəricilərindən aşağı olub.

“Opta Sports”un versiyasına görə DÇ-2026-nın simvolik  komandası:

Qapıçı

Qreqor Kobel (İsveçrə) yüzfaizli qolların qarşısının alınmasında liderdir (3.3).

Müdafiəçilər

Pedro Porro (İspaniya) iki qol vurub və cinah ötürmələrində liderdir (24).

Pau Kubarsi (İspaniya) dəqiq ötürmələrdə müdafiəçilər arasında liderdir (671.

Lisandro Martines (Argentina) Argentina milli komandasında dəqiq ötürmələrdə ən yaxşısıdır, qol vurub və məhsuldar ötürmə edib.

Mark Kukurella (İspaniya) dəqiq ötürmələrdə (382) və meydanın son üçdə birinə dəqiq ötürmələrdə (142) ən yaxşı müdafiəçidir.

Yarımmüdafiəçilər

Rodri (İspaniya) – bir Dünya Kubokunda ən dəqiq ötürmə rekordu qırıb (756), xətlər arasından ötürmələrdə (122) və topla ötürmələrdə (164) liderdir.

Cud Bellinqem (İngiltərə) – yeddi qol vurub, zərbələrinin 37%-ni dəqiq yerinə yetirib.

Leandro Trossard (Belçika) – iki qol və iki məhsuldar ötürmə ilə açıq oyunda ötürmələrdə ən yaxşısıdır (17).

Hücumçular

Lionel Messi (Argentina) turnirin ikinci ən çox qol vuran oyunçusu (səkkiz qol) və məhsuldar ötürmələr üzrə liderdir (25).

Kilian Mbappe (Fransa) 2026-cı il Dünya Kubokunun ən çox qol vuran oyunçusu (10 qol) və Dünya Kuboku tarixində ən çox qol vuran oyunçudur (22 qol).

Erlinq Haaland (Norveç) turnir ərzində topa cəmi 120 dəfə toxunaraq yeddi qol vurub.

2026-cı il Dünya Kubokunun finalında İspaniya Argentinanı 1-0 hesabı ilə məğlub edib.

Aut.az