Bu federasiya da ruslara qarşı bütün qadağaları ləğv etdi

Avropa Stolüstü Tennis Birliyi (ETTU) Beynəlxalq Stolüstü Tennis Federasiyasının (ITTF) ardınca Rusiya idmançılarının yarışlarda iştirakına qoyulan bütün məhdudiyyətləri aradan qaldırdı.

Aut.az xəbər verir ki, 28 iyuldan etibarən ruslar və belaruslular heç bir məhdudiyyət olmadan və digər iştirakçılarla eyni şərtlər altında ETTU turnirlərində iştirak edə biləcəklər.

“ITTF İcraiyyə Şurasının 17 iyun 2026-cı il tarixində Belarus pasportuna malik idmançılarla bağlı və 10 iyul 2026-cı il tarixində Rusiya pasportuna malik idmançılarla bağlı qəbul etdiyi qərarlardan, eləcə də Beynəlxalq Olimpiya Komitəsinin (BOK) İcraiyyə Şurasının 7 iyul 2026-cı il tarixli qərarından sonra ETTU İcraiyyə Şurası 16 iyul 2026-cı il tarixində ETTU-nun mövqeyini BOK-un qərarlarına uyğunlaşdırmaq qərarına gəldi.

Beləliklə, Rusiya və ya Belarus pasportlarına sahib olan idmançılar 28 iyul 2026-cı il tarixindən etibarən ETTU yarışlarında bütün digər idmançılarla eyni şərtlər altında və məhdudiyyətsiz iştirak edə biləcəklər.

ETTU artıq bu qərarı həyata keçirmək üçün lazımi əməliyyat tədbirlərini görəcək və gələcək müvafiq inkişafları izləməyə davam edəcək”, – deyə ETTU-nun rəsmi saytında dərc olunmuş bəyanatda bildirilir.

Aut.az