Xanım senator Mbappeni məhkəmə ilə hədələdi: Bu sözlərinə görə

Paraqvaylı senator Seleste Amarilya Fransa millisinin ulduz hücumçusu Kilian Mbappeni sərt tənqid edən daha bir paylaşım edib.

Aut.az xəbər verir ki, senator Mbappeni məhkəmə ilə hədələyib:

“Təkəbbürünüz və ikrahınız oyundan əvvəl belə məni qıcıqlandırdı. “Əlimizi zibilə soxmalı olsaq, edəcəyik” dediniz. Biz axmaq deyilik. “Zibil” dedikdə Paraqvay milli komandasını və ümumiyyətlə paraqvaylıları nəzərdə tutduğunuzu çox yaxşı başa düşürdük. Sonra isə “makiyajlarını siləcəklərini” dediniz. Həmçinin sizin makiyajlı, zərif olduğunuzu və bizim makiyajın nə olduğunu belə bilməyən kasıb, kobud insanlar olduğumuzu başa düşdük. Bütün Paraqvay, o cümlədən mən də bunu belə qəbul etdim. Biz də bunu qəbul etdik.

Matç zamanı təkəbbürünüz özünü göstərirdi. Hər bir oyunçuya sanki iyrənc görünürlərmiş kimi hörmətsizlik edirdiniz. Ağzınızı örtmədən “La concha de tu madre” (“Sənin ananı…”) dedikdə, bu, Latın Amerikasına qarşı son dərəcə aqressiv bir təhqir kimi səslənirdi və bunu çox yaxşı bilirsiniz…

İndi tələb edirəm ki, siz də sözlərinizdən əl çəkib məndən üzr istəyəsiniz. Mən də sizin zorakılığınıza dözməyəcəyəm. Siz məni tanımırsınız, kim olduğumu bilmirsiniz və mənim tutduğum vəzifəyə layiq olmayan acınacaqlı bir qadın olduğumu deməyə haqqınız yoxdur…

Sən kimsən ki, tanımadığın halda məni “vəhşi” və ya “acınacaqlı” adlandırırsan? Bu, təmiz zorakılıqdır və çox qəddardır! Bu, xalqının səsləri sayəsində hakimiyyətə gələn bir qadına qarşı siyasi zorakılıqdır. Üstəlik, mənə məhz qadın olduğum üçün ikrah edirsən. Dərimin rənginə və ya seçimlərimə hücum etmirsən – qadın statusuma və siyasi mövqeyimə hücum edirsən. Sözlərindən əl çək, Fransa vətəndaşlığına hörmət göstər və üzr istə. Əks təqdirdə, gender əsaslı zorakılıqla bağlı məhkəmə prosesi başlada bilərəm”.

Xatırladaq ki, Amarilla daha əvvəl Kilian Mbappeni 2026-cı il Dünya Kubokunun 1/8 final mərhələsində Paraqvay millisinin qapıçısı Orlando Hil ilə oyundan sonra əl sıxmadığına görə təhqir etmişdi. Fransız daha sonra bu açıqlamaya belə cavab vermişdi:

“Hörmətli xanım Seleste Amarilya, siz öz vəzifənizə layiq olmayan alçaq bir qadınsınız.

Siz turnir boyu ehtiras və şərəf nümayiş etdirən Paraqvayı təmsil etmirsiniz. Sizin ehtiyatsızlığınız və açıq-aşkar irqçiliyiniz üzündən dünya artıq oyunçularınızın bu Dünya Kuboku zamanı göstərdiyi yolu və tarixi səyləri unudub və onların yerinə ölkəsinin ən pis imicini əks etdirən səriştəsiz bir qadın gəlib. Mən heç vaxt belə insanların nifrət və irqçiliyini bütün dünyada yaymasına icazə verməyəcəyəm”.

Aut.az