Belçikalı futbolçuların “Tramp rəqsi” gündəm oldu – VİDEO

07 İyul 2026

Belçika millisi DÇ-2026-nın 1/4 finalına inamla yüksəlməklə yanaşı, pley-offun ən diqqət çəkən anlarından biri ilə də gündəmə gəldilər.

Aut.az xəbər verir ki, belçikalı futbolçular ABŞ-ın qapısına dördüncü qolunu vurduqdan sonra qəfildən məşhur “Tramp rəqsi”ni ifa ediblər. Onların bu rəqsi dərhal sosial mediada böyük müzakirələrə səbəb olub.

Oyundan əvvəl baş verən hadisələr səbəbindən bu rəqs xüsusi məna kəsb etdi. Qarşılaşma ərəfəsində FİFA ABŞ millisinin hücumçusu Folarin Baloqunun cəzasını ləğv etdi və ona Belçikaya qarşı oynamağa icazə verdi.

Bundan sonra mediada Ağ Evin müdaxiləsi ilə bağlı xəbərlər yayılmağa başladı. Donald Tramp özü də sosial media hesabında paylaşım edərək FİFA-ya təşəkkür etdi.

Aut.az