Everestdəki 30 illik sirr açıldı: “Yaşıl çəkmələr”in əsl kimliyi ortaya çıxdı

Təxminən 30 ildir Everest dağında “yaşıl çəkmələr” kimi tanınan və donmuş vəziyyətdə tapılan alpinistin kimliyi  DNT testi ilə müəyyən edilib.

Aut.az xəbər verir ki, qar və buzun içində qalmış və illər ərzində Everest alpinistləri tərəfindən rast gəlinən cəsəd alpinizm dünyasında “qorxunc bir yer”ə çevrilmişdi. Yaşıl çəkmələrinə görə “Yaşıl çəkmələr” ləqəbini alan cəsədin hindistanlı alpinist Dorje Morupa aid olduğu müəyyən edilib.

“Daily Mail” qəzetinin məlumatına görə, uzun illər cəsədin başqa bir hind alpinisti, 28 yaşlı Paljora məxsus olduğu düşünülürdü. DNT müqayisəsi uzun müddətdir davam edən bu yanlış təsəvvürə son qoyub.

Everestin “ölüm zonası” kimi tanınan 8000 metrdən yuxarı təhlükəli ərazidən cəsədin çıxarılması üçün hazırlıqlar görülərkən, şəxsiyyətin müəyyən edilməsi Hind-Tibet Sərhəd Polisi tərəfindən təsdiqlənib.

Aut.az