ABŞ-dakı çətinlikdən danışdı: Futbolçular millidə oynamaq istəmirlər

ABŞ milli komandasının baş məşqçisi Maurisio Poçettino təyinatından dərhal sonra üzləşdiyi çətinliklər barədə səmimi danışıb.

Aut.az xəbər verir ki, argentinalı məşqçi bütün amerikalı oyunçuların milli komandaya qoşulmağa həvəsli olmadığını bildirib.

Poçettino 2024-cü ilin sentyabr ayından ABŞ millisindədir.

“Müqaviləni imzalayanda sadəlövh idim. Düşünürdüm ki, insanlar kömək etmək üçün çox çalışacaqlar, hər kəs milli komandada oynamaq naminə işə qarışacaq. Amma nəticədə tam əksi oldu.

Məşqçilər heyətimiz reallıqdan çox təsirləndi. Özümüzə ‘Nə baş verir?'” dedik”, – deyə “Marca” Poçettinonun sözlərini sitat gətirib.

Poçettino həmçinin Dünya Kubokundan sonra vəzifəsində qalmağın açıq ehtimalından danışıb:

“Əgər qalmaq istəyiriksə, bunu müzakirə etmək üçün aylarımız, günlərimiz və ya həftələrimiz var, çünki növbəti Dünya Kuboku dörd il sonradır. İndi diqqətimizi yayındırmağın vaxtı deyil və bütün enerjimiz turnirə və oyunçularla işləməyə yönəlməlidir”.

Aut.az