Az qala 100 il gözlənilən qələbə

Misir milli komandası 2026-cı il Dünya Kubokunda Yeni Zelandiyanı (3:1) məğlub etdi və bu nəticə tarixi oldu.

Aut.az xəbər verir ki, bu, “fironlar”ın Dünya Kubokunun final mərhələsində ilk qələbəsidir. Ümumilikdə, bu, onların dördüncü Dünya Kubokudur.

Misir bu səviyyədə yarışda debütünü 1934-cü ildə etmişdi. O vaxt afrikalılar 1/8 finalda Macarıstana 2-4 hesabı ilə məğlub olmuşdular.

Komanda daha sonra 1990 və 2018-ci illərdə Dünya Çempionatlarında iştirak edib. Lakin orada da qələbə qazana bilməyiblər.

Yeni Zelandiya ilə oyun “fironlar”ın Dünya Kubokunda doqquzuncu oyunu idi. Bundan əvvəl onlar üç dəfə heç-heçə etmiş və beş dəfə məğlub olmuşdular.

Qeyd etmək lazımdır ki, misirlilər artıq pley-offa vəsiqəni faktiki olaraq təmin ediblər. İki turdan sonra onların dörd xalı var və G qrupuna liderlik edirlər.

Aut.az