DÇ-nin finalında bu komandalar qarşılaşacaq – Superkompüterin versiyası

“Opta”nın analoqu olan “Football Meets Data” (Football MD) simulyasiyaları əsasında DÇ-2026 ilə bağlı proqnoz verib.

Aut.az xəbər verir ki, bu simulyasiyalara əsasən, finalda Argentina İspaniya ilə qarşılaşacaq.

Argentina üç dəfə Dünya Kubokunu qazanıb: 1978, 1986 və 2022-ci illərdə.

ABŞ, Kanada və Meksikada keçiriləcək Dünya Kubokunda Lionel Skaloninin komandası qrup mərhələsində Əlcəzair, Avstriya və İordaniya ilə oynayacaq.

İspaniya kuboku yalnız bir dəfə qazanıb – 2010-cu ildə Cənubi Afrikada. 2026-cı il Dünya Kubokunda İspaniya qrup mərhələsində Kabo-Verde, Səudiyyə Ərəbistanı və Uruqvayla qarşılaşacaq.

Aut.az