DÇ-yə aparılmadı, “Real”dan ayrılır

“Real Madrid”in yarımmüdafiəçisi Eduardo Kamavinqa Fransa millisinin 2026-cı il dünya çempionatı üçün heyətinə daxil edilməməsi qərarından son dərəcə məyus olub.

Aut.az xəbər verir ki, bu, 23 yaşlı futbolçunun “kral klubu”ndan kənarda yeni çağırışlara ehtiyac duyduğuna inamını artırıb. “TEAMtalk” xəbər verir ki, Kamavinqanın ətrafı transfer bazarını fəal şəkildə araşdırır və klublarla danışıqlar aparır. Vurğulanır ki, ötən həftə “Mançester Yunayted” və “Liverpul” fransız futbolçunun vəziyyəti ilə bağlı məlumat istəyiblər, çünki hər iki komanda onu uzun müddətdir izləyir. “Real Madrid” Kamavinqanı satmağa hazırdır və onun transferini 57,5 ​​milyon avro dəyərində qiymətləndirir.

Bu mövsüm Kamavinqa bütün yarışlarda 42 oyunda meydana çıxıb, iki qol vurub və bir məhsuldar ötürmə edib. Onun müqaviləsi 2029-cu ilin yayına qədərdir. “Transfermarkt”dakı məlumata görə, onun bazar dəyəri 50 milyon avrodur.

Aut.az