Bu təşkilat belaruslara qarşı bütün qadağaları ləğv etdi

Ümumdünya Boks Təşkilatı (World Boxing) Belarus idmançılarına qarşı qoyulan bütün məhdudiyyətləri aradan qaldırıb.

Aut.az xəbər verir ki, bu barədə “World Boxing” mətbuat xidməti məlumat yayıb.

Dünya Boks Federasiyasının baş katibi Tom Dielenin sözlərinə görə, təşkilatın icra komitəsinin qərarı yekdilliklə qəbul edilib. Buna görə də Belarus boksçuları heç bir məhdudiyyət olmadan milli rəmzlərini geyinərək beynəlxalq yarışlarda iştirak edə biləcəklər.

Bu qərar Beynəlxalq Olimpiya Komitəsinin (BOK) 7 may tarixli tövsiyələrinə uyğun olaraq qəbul edilib. Lakin bütün beynəlxalq federasiyalar BOK-un tövsiyələrinə əməl etməyib. Xüsusilə Dünya Atletika Federasiyası onları rədd edib.

Xatırladaq ki, aprelin sonunda Dünya Boks Assosiasiyası rusiyalıları və belarusluları neytral üzv kimi qəbul etdi. Təşkilat 2023-cü ildə Beynəlxalq Boks Assosiasiyasına (IBA) alternativ olaraq yaradılıb. Ukrayna 2025-ci ilin sentyabrında təşkilata qoşulub. Yeni təşkilata Qazaxıstandan olan keçmiş dünya çempionu və Olimpiya mükafatçısı Gennadi Qolovkin rəhbərlik edir.

Aut.az