Şəhərdə bayramdır: Geridönüşlərini belə qeyd etdilər – FOTOLAR

“Venesia” A Seriyasına qayıdışını ənənəvi olaraq qondolalar üzərində paradla qeyd edib.

Aut.az xəbər verir ki, komandanın futbolçuları və məşqçiləri minlərlə azarkeşin əhatəsində Venesiya kanallarında qayıqlarla hərəkət ediblər. Şəhərdə həm yerli sakinlər, həm də turistlər bu bayram atmosferinə qoşulub.

Komanda cəmi bir mövsüm aradan sonra yenidən İtaliya futbolunun elit səviyyəsinə qayıdıb. Bayramın kulminasiyası San-Marko meydanında baş tutub. Burada futbolçular Dojlar sarayı fonunda kuboku azarkeşlərə təqdim ediblər. Venesiya şəhəri üçün bu an böyük sevincə çevrilib.

“Venesia” artıq 1 mayda “Speciya” ilə 2:2 hesablı heç-heçədən sonra elit diviziona yüksəlməsini təmin etmişdi. Cümə günü isə “Palermo” üzərində 2:0 qələbə ilə Serie B-ni birinci yerdə başa vurub.