Hər fikir hörmətə layiq deyil – Enrike qəzəbləndi

PSJ-nin baş məşqçisi Luis Enrike Çempionlar Liqasının yarımfinalının “Bayern”lə ilk oyunu (5:4) ilə bağlı mənfi şərhlərə münasibət bildirib .

Aut.az xəbər verir ki, “RMC Sport” Enrikenin sözlərini sitat gətirib:

“Həyatda olduğu kimi fikirlər hər yerdə müxtəlifdir. Düşünmürəm ki, hər fikir hörmətə layiqdir, çünki əgər bu, iyrənc bir fikirdirsə, ona hörmət etmək məcburiyyətində deyilsiniz… Bu cür futbolu sevən insanlar var, bu əksəriyyətdir və mən də onlardan biriyəm. Amma bəzi insanlar bunu bəyənmir. Düşünürəm ki, əksəriyyət matçdan zövq aldı və ən vacib şey də budur.

Digər oyunlara baxanda, bu, mövsümün ən gərgin matçı idi, elə deyilmi? Emosional cəhətdən fərqlidir – nəzarət edə bilmədiyiniz şeylərdən daha çox bezirsiniz”.

PSJ ilə “Bayern” arasında cavab oyunu mayın 6-da Münhendə keçiriləcək.

Aut.az