Mourinyo ondan narazıdır, satırlar

“Benfika” rəhbərliyi bu yay Georgi Sudakovun mümkün satışı ilə bağlı təklifləri nəzərdən keçirməyə hazırdır.

Aut.az xəbər verir ki, bu barədə Portuqaliyanın “Record” nəşri məlumat yayıb.

Lissabon klubu 23 yaşlı yarımmüdafiəçinin komandadan ayrılmasını bir neçə səbəbdən nəzərdən keçirir. Xüsusilə qeyd olunur ki, futbolçu oyun xüsusiyyətlərinə görə baş məşqçi Joze Mourinyonu tam qane etmir. Mənbənin məlumatına görə, Sudakov hələ kifayət qədər təsirli oyun nümayiş etdirməyib, ona görə də klub gələn mövsüm onsuz da keçinə biləcəklərinə inanır.

Bundan əlavə, maliyyə aspekti hələ də əhəmiyyətli bir amil olaraq qalır. “Benfika” oyunçuya böyük sərmayə qoyub, ona görə də rəhbərlik yalnız oyunçunun sabit performans göstərməməsi halında investisiyanı ən azı geri qaytaracaq təklifləri nəzərdən keçirmək niyyətindədir.

Qeyd olunur ki, Sudakovun özü daha çox oyun vaxtı qazanmaq üçün klubunu dəyişmək ehtimalını istisna etmir.

Bu mövsüm yarımmüdafiəçi “Benfika”da bütün yarışlarda 36 oyun keçirib, 4 qol vurub və 4 məhsuldar ötürmə edib.

Aut.az