Dostu Luçeskunun ölümünün əsl səbəbini açıqladı

“Gazeta Sporturilor”un direktoru və Mirça Luçeskunun yaxın dostu Ovidiu İoanitsaiya rumıniyalı məşqçinin ölümü ilə bağlı danışıb.

Aut.az xəbər verir ki, İoanitsaiya “Golazo.ru” saytına verdiyi müsahibədə bildirib:

“İki-iki ay yarım əvvəl onun heç bir problemi yox idi. Sonra leykemiya inkişaf etdi və bu da hər şeyi çətinləşdirdi. Əslində, baş verənlərin səbəbi bu idi. Diaqnozu şəxsi hesab edərək gizlətməyə çalışdıq, amma ölümünə səbəb olan və onu sürətləndirən leykemiya idi.

Hər halda, futbol onun üçün hər şey idi. Əgər İstanbuldakı oyuna getməsinə qadağa qoyulsaydı, psixoloji cəhətdən daha da çətin olardı. Bu, onun taleyi idi – o, bütün həyatını tam sürətlə yaşadı və təəssüf ki, eyni dərəcədə tez dünyasını dəyişdi. Futbol onun həyatı idi.

Həkimlər ona həqiqəti deməkdən yayındıqları üçün İstanbuldakı oyundan bir-iki həftə əvvəl onunla danışdım, dedim: “Mirça, vəziyyət ciddidir – həkimlər belə deyirlər”.

O isə cavab verdi: “Mən heç nə edə bilmərəm. Mən belə başladım – əgər məcbur olsam, belə bitirəcəyəm”. Bu, onun şüurlu şəkildə götürdüyü bir risk idi”.

Aut.az