Onun işi düyünə düşüb: Baha olduğu üçün…

“Everton” icarə müddətindən sonra “Mançester Siti”nin yarımmüdafiəçisi Cek Qrilişi saxlamaq istəyir, lakin razılaşdırılmış məbləğ müqabilində onu transfer etməyə hazır deyil.

Liverpul təmsilçisi 30 yaşlı ingilis futbolçunu təxminən 50 milyon funt sterlinqlik geri ödəmə şərti ilə mövsümlük icarəyə götürüb. Cek bu mövsüm Premyer Liqada 20 oyunda iki qol vurub və altı məhsuldar ötürmə edib. Ayağı sınıb və əməliyyat olunduqdan sonra 18 yanvardan bəri sıradan çıxıb.

Aut.az xəbər verir ki, “The Athletic” qəzetinin “Everton”dakı vəziyyətlə tanış mənbələrə istinadən verdiyi məlumata görə , klub, çox güman ki, transfer bəndini çox yüksək hesab edəcək. Bundan əlavə, onlar oyunçunun yüksək maaşını – həftədə təxminən 300.000 funt sterlinqi və “Siti” klubu ilə müqaviləsinin bitməsinə bir il qaldığını nəzərə alırlar.

Daha real variant Qrilişin icarə müddətini uzatmaq hesab olunur, lakin klub mövsümün sonuna qədər bu barədə danışıqlara başlamayacaq.

Aut.az