Vinisiusla irqçilik qalmaqalından danışdı: Demədiyim bir şeyə görə cəzalandırıldım

“Benfika”nın yarımmüdafiəçisi Canluka Prestianni “Real”ın hücumçusu Vinisius Juniyora qarşı irqi ayrı-seçkilik ittihamlarını rədd edib.

Aut.az xəbər verir ki, özünü günahsız olduğunu bildirib.

20 yaşlı argentinalı futbolçu “Telefe”yə açıqlamasında deyib ki, hadisə ilə bağlı çox sakitdir, çünki onu tanıyanlar onun necə insan olduğunu bilir və bu, onun üçün kifayətdir. Prestianni klubun ona inanıb dəstək verdiyinə görə təşəkkürünü bildirib və komanda yoldaşlarının ona qapalı qapılar arxasında dəstək göstərməsinin onun üçün sosial şəbəkədə yayılan xəbərlərdən daha çox əhəmiyyət kəsb etdiyini vurğulayıb.

“Cavab matçında oynamamağım məni çox üzdü. Mən demədiyim bir şeyə görə cəzalandırıldım. Mənə sübut olmadan cəza verildi. Amma indi artıq bu geridə qaldı. Komandaya və məşqçilər heyətinə çox minnətdaram ki, son dəqiqəyə qədər oynayıb-oynamayacağımı gözlədilər”, — deyə Prestianni əlavə edib.

O həmçinin baş məşqçi Joze Mourinyo və komanda yoldaşları ilə söhbət edərək, əslində heç bir hadisə baş vermədiyini təsdiqləyib. Argentinalı bildirib ki, onunla eyni dəri rənginə sahib komanda yoldaşları ilə heç vaxt belə hallar yaşanmayıb, əksinə, sonradan ona homofob olduğunu deməyə başlayıblar.

“Kilian Mbappe məni irqçi adlandırır? Birini irqçilikdə ittiham etmək təhqirdir, amma mən heç vaxt irqçi olmamışam və olmayacağam. Aydın şəkildə görünür ki, o, matç zamanı məni əsəbiləşdirməyə çalışırdı. Mən heç vaxt reaksiya göstərmək istəməmişəm və göstərməyəcəyəm”, — deyə Prestianni bildirib.

Xatırladaq ki, Vinisius əvvəlcə Prestiannini Çempionlar Liqasının ilk play-off matçında “meymun” kimi irqçi ifadə işlətməkdə ittiham etmişdi və UEFA bu insidentin araşdırılması üçün futbolçuya müvəqqəti diskvalifikasiya tətbiq etmişdi.

Aut.az