Qayıdacağı tarixi açıqladı

Amerikalı bloger və boksçu Ceyk Pol rinqə qayıdacağı tarixi açıqlayıb.

Aut.az xəbər verir ki, 29 yaşlı idmançı bildirib ki, o, 2026-cı ilin sonunda və ya 2027-ci ilin əvvəlində yenidən döyüşməyi planlaşdırır. Pol 2025-ci ilin dekabrında Entoni Coşua ilə keçirdiyi döyüşdə çənəsini sındırdıqdan sonra ikinci əməliyyat keçirib.

“Bu yaxınlarda ikinci əməliyyat olundum və həkim dedi ki, sümüyün necə sağaldığını yoxlamaq üçün sparrinqə başlamağıma dörd, beş və ya altı ay vaxt lazımdır. Buna görə də növbəti döyüşüm böyük ehtimalla bu ilin sonunda və ya gələn ilin əvvəlində olacaq”, – deyə Pol mətbuat konfransında bildirib.

Pol həmçinin bildirib ki, qayıdışından sonra artıq ağır çəkidə çıxış etməyəcək və ağır çəki divizionunda döyüşəcək:

“Əlbəttə ki, ilk ağır çəkidə döyüşəcəyəm. Coşuanın zərbələri mənim çəkimdə olan boksçulardan qat-qat güclüdür. Mənim yerim məhz bu diviziondur və burada reytinqdə yüksəlməyə davam etmək istəyirəm”.

Xatırladaq ki, dekabr ayında keçirilən döyüşdə ikiqat ağır çəki üzrə dünya çempionu Entoni Coşua Polu altıncı raundda nokaut edərək onun çənəsini iki yerdən sındırmışdı. İlk əməliyyat döyüşdən bir gün sonra həyata keçirilmişdi, ikinci əməliyyat isə fevral ayında aparılıb.

Ceyk Pol karyerası ərzində 14 boks döyüşü keçirib. Onların 12-də qələbə qazanıb, 2 görüşdə isə məğlub olub.