Sərxoş vəziyyətdə məktəbə girən futbolçu ayıltma məntəqəsində saxlanılıb

Ufada saxlanılan CSKA müdafiəçisi İlya Aqapov bir neçə saat ayılma mərkəzində keçirib.

Aut.az xəbər verir ki, bu barədə SHOT Telegram kanalı məlumat yayıb.

“Aqapov ayılma məntəqəsində saxlanılıb, orada özünə gəlib və daha sonra sərbəst buraxılıb. 25 yaşlı futbolçuya qarşı heç bir inzibati ittiham irəli sürülməyib”, – məlumatda deyilir.

“Ufa” daxili araşdırma apardıqlarını bildirib və medianın hadisə ilə bağlı şərhini qeyri-dəqiq adlandırıb.

Bir gün əvvəl “Ufa”da icarə əsasında oynayan Aqapovun sərxoş vəziyyətdə uşaq musiqi məktəbinin binasına girdiyi və orada mühafizəçi ilə şifahi mübahisə etdiyi, mühafizəçinin isə hüquq-mühafizə orqanlarına zəng etdiyi bildirilmişdi.

Qış transfer pəncərəsi dövründə Aqapov icarə əsasında “Ufa”ya keçib. Bu mövsüm o, Moskva klubunun heyətində bütün yarışlarda dörd oyunda meydana çıxıb, lakin qol vura bilməyib. Onun CSKA ilə müqaviləsi 2027-ci ilin yayına qədərdir.

Aut.az